MKOA WA NJOMBE WAJIVUNIA KUVUKA LENGO UANDIKISHAJI WANAFUNZI

0

Na Bilgither Nyoni

Mkoa wa Njombe umeandikisha  jumla ya wanafunzi  24,217 kuanza  darasa la kwanza kwa mwaka wa masomo 2022 sawa na asilimia  103 Ukiwa Umevuka lengo lililokuwa limewekwa huku darasa la awali ukiwa wameandikisha  wanafunzi 23,978 sawa na asilimia 99 .

Akizungumza na Ice Fm Afisa Elimu Mkoa wa Njombe  MWL NELASI MULUNGU Amesema kati ya walioandikishwa  wanafunzi wa Darasa la kwanza wavulana ni 12,347  huku wasichana wakiwa 11,874.


"tulitegemea kuandikishaji wanafunzi wa darasa la  kwanza 23,499  lakini mpaka sasa tumeweza kuvuka lengo la uandikishaji ambapo tumeandikisha wanafunzi 24,217 kwa hiyo asimilimia ya uandikishaji ni 103,kwa darasa la awali tulitegemea 24,031 lakini mpaka sasa tumeandiksha 23,978 hiyo ni sawasawa na asilimia 99"Alisema 


Aidha Afisa Elimu huyo Amesema zoezi la uandikishaji litamalizika Marchi 31 mwaka huu hivyo amewataka wazazi na walezi kuwapeleka watoto wao shule kuanzia darasa la awali, la kwanza na kidato cha kwanza kabla ya kuufungwa kwa zoezi la uandikishwaji.


"kwa kweli uandikishaji ni mzuri na zoezi hili zima tunategemea kuisha tarehe 31 mwezi huu wa tatu"alisema


Kufuatia uandikishaji huo Afisa Taaluma msingi katika halmashauri ya mji wa Makambako BHOKE BIRORE Aamesema wamejipanga kikamilifu kuhakikisha wanawafundisha vizuri wanafunzi kwa utaratibu uliowekwa na serikali Na kutatua changamoto zilizopo shuleni.


"kwa hiyo tukiandikisha watoto wengi hiyo ndiyo furaha yetu maana hiyo ndiyo kazi yetu kwa hiyo tukiandikisha wengi tunajipanga pia kuhakikisha kwamba tunawahudumia vizuri kwa sababu ndiyo kazi yetu na ndio wateja wetu ndo wanaotuweka mjini na tumejipanga tunahakikisha walimu wetu wanafundisha vizuri kwa kufata utaratibu zote za kufundisha na sisi kama ofisi tunafatilia kuona nini kimefanyika"Alisema


Nao baadhi ya walimu wakuu wa shule za msingi mjini makambako,Akiwemo mwl maria msigwa wa shule ya msingi Makambako ,mwlErick mtweve wa usetule na  mwl frowin Mgeni wa mwembetogwa B wamesema kuwa  kuwepo kwa elimu bila malipo,chakula kutolewa shuleni pamoja na kamati za shule kuhamasisha wazazi kupeleka watoto shule kumechangia kwa kiasi kukubwa kuvuka lengo la uandishaji wa darasa la kwanza.

Tags

Post a Comment

0 Comments
* Please Don't Spam Here. All the Comments are Reviewed by Admin.
Post a Comment (0)


#buttons=(Accept !) #days=(20)

Our website uses cookies to enhance your experience. Learn More
Accept !
To Top