MOI yapewa siku 14 kutengeneza mashine ya MRI na CT-Scan

0

 Katibu Mkuu wa Wizara ya Afya, Prof. Abel Makubi amefanya ziara ya kushtukiza Taasisi ya Tiba ya Mifupa Muhimbili (MOI) na kukagua mashine za MRI na CT Scan na kubaini zimeharibika.

Hata hivyo, uongozi licha ya kujua hali hiyo haukuwasilisha taarifa rasmi kwa Wizara hiyo, kutokana na hali hiyo Prof. Makubi ameagiza ndani ya siku 14 kuanzia sasa wahakikishe mashine hizo zilizonunuliwa kwa gharama kubwa na Serikali, zitengenezwe na kuanza kutoa huduma.

Prof. Makubi ameziagiza hospitali za Rufaa za Mikoa, Kanda na Taifa kuwa na mpango mbadala (Plan B) kuhakikisha wagonjwa wanaendelea kupata matibabu bila usumbufu pale mashine za Taasisi zao zinapoharibika.

“Kwa mfano hapa MOI (Plan B) yenu ni Muhimbili, wagonjwa ambao wanahitaji CT Scan na MRI wapate huduma bila kupata usumbufu na rafiki” ameagiza.

Aidha, ameziagiza ziwe na ‘plan B’ kwa vipimo vyote vya radiolojia na vipimo vya damu endapo itatokea changamoto wagonjwa waendelee kupata huduma.

Ameelekeza pia hospitali zote za Taifa, Kanda, Mikoa na maalum zenye mashine za kisasa kuhakikisha zinatenga asilimia kadhaa ya fedha kwa ajili ya matengenezo yake kutoka kwenye makusanyo ya ndani

Hata hivyo ameelekeza tena hospitali zote hizo kukaa na TANESCO na kufanya tathmini ya mifumo ya umeme lakini pia ziweke ‘backup’ ya nishati mbadala ili mifumo hiyo isiharibike pale inapotokea kukatika kwa umeme.

Vilevile amewlekeza pia kutengwa bajeti mahususi ya matengenezo na kutoa miezi mitatu (3) kuwa na mkataba wa matengenezo kwa mashine zote pamoja na vifaa vya maabara kwa hospitali zote za Rufaa za Mikoa,Kanda,Maalumu ma Taifa ili kuhakikisha zinafanyiwa matengenezo na ukarabati kwa wakati

Kwa upande wake Mkurugenzi Mtendaji wa Taasisi ya Tiba ya mifupa , upasuaji wa mgongo na mishipa ya fahamu MOI, Dr. Respicious Boniface amesema mshine zinapata changamoto kwasababu huwa zinafanya kazi mara kwa mara hivyo katika kuhakikisha wagonjwa hawaangaiki, wanawapeleka wagonjwa wao katika Tasisi yao mama ya Muhimbili National Hospital ili wapate huduma kwa haraka zaidi.

Ameongeza kuwa maagizo yaliyotolewa na Katibu Mkuu wa Wizara ya Afya, Prof. Abel Makubi watayafanyia kazi kwa haraka.

Tags

Post a Comment

0 Comments
* Please Don't Spam Here. All the Comments are Reviewed by Admin.
Post a Comment (0)


#buttons=(Accept !) #days=(20)

Our website uses cookies to enhance your experience. Learn More
Accept !
To Top