SERIKALI YATOA BILIONI 100 KUDHIBITI MFUMUKO WA BEI YA MAFUTA

0

 SERIKALI imeidhinisha ruzuku ya Sh bilioni 100 ili kupunguza gharama za mafuta zilizotangazwa mapema mwezi huu na ikiahidi hatua zaidi kupunguza bei za mafuta nchini.

Serikali yatoa bilioni 100 kudhibiti mfumuko wa bei ya mafuta

Waziri wa Nishati, Januari Makamba amesema serikali inakamilisha taratibu kupata mkopo kutoka katika Shirika la Fedha Duniani (IMF) na Benki ya Dunia (WB) ili kusaidia kukabiliana na ongezeko la bei ya mafuta katika soko la dunia.

Akiwasilisha taarifa ya hali ya mafuta bungeni, waziri Makamba amesema, ruzuku hiyo haita athiri miradi ya serikali inayoendelea na uamuzi huo ni hatua ya serikali ya muda mfupi kupunguza ongezeko la bei ya mafuta kabla ya Mwaka mpya wa fedha.

SOMA HII;Hatima Ubunge wa Mdee na wenzake rasmi kesho

Kauli ya Makamba imekuja siku moja baada ya Rais Samia Suluhu,  kuelekeza serikali ijibane na ijinyime ili kupata fedha katika matumizi ya kawaida ya serikali zitakazoenda kutoa nafuu kwa wananchi katika bei ya mafuta kuanzia Juni Mosi mwaka huu.

 Amesema katika mwaka ujao wa fedha serikali itachukua hatua za kikodi ili kuwapa wananchi ahueni ya bei ya mafuta.

Alhamisi iliyopita Spika wa Bunge, Dk Tulia Ackson aliitaka serikali leo kutoka na kauli kuhusu hatua za dharura za muda mfupi na za muda mrefu wa kukabili bei ya mafuta.

Alisema Oktoba  kodi mbali mbali zilipunguzwa ikiwemo  tozo ya miundo mbinu ya bandari, tozo ya kuchakata inayolipwa kwa mamlaka ya forodha,  tozo ya kupima na kuthibitisha mafuta inayolipwa kwa wakala wa vipimo, tozo ya kupima na kuthibitisha ubora iliyokuwa inalipwa na TBS, tozo inayolipwa kwa wakala wa meli, tozo kwa ajili ya kuthibitisha  biashara ya mafuta EWURA na tozo ya huduma ya service levy.

“Kupunguzwa kwa kodi hizo zilizokuwa zinatozwa na  taasisi mbalimbali kwenye mafuta,  uamuzi huo ulisababisha mapato ya serikali yapungue kwa Sh bilioni 102.”Amesema Makamba

Amesema Machi mwaka huu bei ilipanda zaidi kwa pipa kuliko miaka 14 iliyopita ikafikia Dola za Marekani 137 ndio maana mwezi huu bei zimepanda na kufikia hali ilivyo sasa ambako kwa Dar es Salaam bei ya kikomo ya petroli ni Sh 3,148 kwa lita, dizeli ni Sh 3,258 na mafuta ya taa ni Sh 3,112 kwa lita.

Tags

Post a Comment

0 Comments
* Please Don't Spam Here. All the Comments are Reviewed by Admin.
Post a Comment (0)


#buttons=(Accept !) #days=(20)

Our website uses cookies to enhance your experience. Learn More
Accept !
To Top