WATATU WAUAWA UGOMVI ENEO LA MALISHO YA MIFUKO TABORA

0

 Watu watatu wamefariki dunia na mmoja kujeruhiwa wilayani Igunga mkoani Tabora katika mapigano ya kugombea maeneo ya kulishia mifugo.

Akizungumzia tukio hilo Kamanda wa Polisi mkoani Tabora, Richard Abwao amesema tukio hilo lilitokea Mei 13, 2022 katika eneo la Isakamaliwa wilayani Igunga.
Amesema wananchi hao ambao walikuwa wanagombea maeneo ya kulishia mifugo, walitumia silaha za jadi kutekeleza mauaji hayo.


Kamanda Abwao amesema chanzo cha ugomvi huo ni kugombea sehemu ya kulishia mifugo na tayari msako wa kuwapata watuhumiwa wengine unaendelea baada ya watu wanne kukamatwa hadi jana kwa tuhuma za mauaji hayo.

Ameongeza kuwa matukio kama hayo yamekuwa yakigharimu maisha ya watu na kwamba ameagiza askari wake kuimarisha ulinzi wa usiku na mchana katika eneo hilo.

Kamanda Abwao amesema mtu mmoja aliyejeruhiwa katika tukio hilo anaendelea kupata matibabu katika Hospitali ya Wilaya ya Igunga.

Kamanda huyo amesema mkakati wa kumaliza mgogoro huo uliogharimu maisha ya watu umeanza kwa kushirikiana na Mkuu wa Wilaya hiyo.

Chanzo:Nipashe
Tags

Post a Comment

0 Comments
* Please Don't Spam Here. All the Comments are Reviewed by Admin.
Post a Comment (0)


#buttons=(Accept !) #days=(20)

Our website uses cookies to enhance your experience. Learn More
Accept !
To Top