WANANJOMBE MSIKAE KINYONGE NINYI NI MATAJIRI” RC MTAKA

0

 

Na. Damian Kunambi, Njombe

Mkuu wa mkoa wa Njombe Antony Mtaka amezitaka halmashauri mbalimbali za mkoa huo, kukuza uchumi wao kwa kutumia rasilimali zilizopo katika halmashauri husika.

Mtaka ameyasema hayo baada ya makabidhiano ya ofisi na aliyekuwa mkuu wa mkoa huo Waziri Waziri Kindamba ambaye anaenda kuwa mkuu wa mkoa wa Songwe ambao ulihusisha viobgozi mbalimbali ngazi ya wilaya na mikoa zikiwemo taasisi binafsi.

Mtaka amesema viongozi pamoja na wananchi wanapaswa kuwa wabunifu katika kuanzisha vyanzo vya mapato kulingana na ardhi pamoja na hali ya hewa iliyopo kwakuwa ina uwezo wa kuhimili mimea pamoja na mifugo.

” Halmashauri zilizo nyingi zimeishia kuwa na mradi wa choo, Halmashauri zinapaswa kujisimamia katika miradi ya maendeleo kutoka katika mapato ya ndani na ili kuweza kuwa na mapato ya kutosha hakikisheni mnatambua fursazilizopo katika halmashauri zenu na mhamasishe watu wawekeze katika fursa hizo”. Amesema Mtaka.

Ameongeza kuwa hali ya hewa ya Njombe na ardhi ni mtaji tosha wa kuwafanya wananjombe wanakuwa kiuchumi hivyo hawezi kukubali kuona wananchi wa mkoa huo wanaishi kinyonge na kuendelea kutengeneza wazee watakaokuwa wanudaika wa TASAF katika siku za usoni.

 

Aidha katika makabidhiano hayo ya ofisi aliyekuwa mkuu wa mkoa wa Njombe Waziri Waziri Kindamba  amemuomba Kindamba kuendeleza mipango ya naendeleo pale alipoishia ili kuiletea maendeleo Njombe hasa katika ujenzi wa kiwanja cha ndege na kufuatilia wawekezaji waliojitokeza katika sekta ya kilimo cha mazao mbalimbali ikiwemo parachichi, Soya pamoja na ngano.

Kindamba amesema kuwa Njombe kuna uwanja wa ndege ambao hutumika isivyo sahihi ambapo wananchi hutumia kwa kukatiza kama njia huku katika sekta ya kilimo tayari kuna wawekezaji ambao wamekuja kuona maeneo na kuahidi kurudi kuwekeza.

“Ukiangalia uwanja wetu wa ndege unatumika kama njia ya watembea kwa miguu, bajaji, pikipiki na wengine hutumia kuanika nguo kitu ambacho kilinifanya niweke uzio na kuweka ulinzi watu wasiendelee na natumizi hayo na kwa atakayebainika anapigwa faini”, Amesema Kindamba.

Aidha kwa upande wake mkuu wa mkoa wa Njombe Antony Mtaka amesema atakuwa mtu wa ajabu endapo ataacha kuendeleza harakati hizo za maendeleo hivyo ni lazima ombi hilo atalifanyia kazi

Tags

Post a Comment

0 Comments
* Please Don't Spam Here. All the Comments are Reviewed by Admin.
Post a Comment (0)

#buttons=(Accept !) #days=(20)

Our website uses cookies to enhance your experience. Learn More
Accept !
To Top